नाताळाच्या पूर्वसंध्येला खूप काही गोष्टी करायच्या असतात. माळावरचा ख्रिसमस स्टार आणि इतर डेकोरेशन उतरून खाली आणून सजावटीची सुरुवात करणे वगैरे.

यावेळी आणखी एक काम होते. केकसाठी पंचक्रोशीत प्रसिद्ध असलेल्या दापोडीतल्या बेकरीतून केक आणणे.

पुणे आणि पिंपरी चिंचवड शहराच्या सीमावर्ती भागात दापोडी इथे असलेल्या `अलंकार' बेकरीच्या केकला खूप मागणी असते, नाताळाआधीच खूप जणांच्या, संस्थांच्या आगाऊ घाऊक ऑर्डर्स या बेकरीला मिळतात.

सणानिमित्त अनेकांना नाताळ केक आणि फराळ द्यायचा असल्याने या बेकरीतून दहाबारा केक मी घेऊन आलो.

आमच्या परिसरात बहुतेक बेकरी मालक मुसलमान आहेत आणि दरवर्षी त्यांनी नाताळ आणि ईस्टर सणानिमित्त बनवलेल्या केकला प्रचंड मागणी असते.

केक घेतल्यानंतर बेकरी मालकाला मेरी ख्रिसमस म्हणून सणाच्या आगाऊ शुभेछा देण्यास मी विसरलो नाही..

संध्याकाळी दयानंद ठोंबरे यांनी `अलौकिक परिवार'चा ख्रिसमस अंक दिला. `अलौकिक परिवार'चा हा पंधरावा नाताळ विशेषांक.

आता इतर ख्रिसमस अंकांची प्रतीक्षा आहे.

Camil Parkhe